صَرخة ألم
ليه كل أما أحاول أكتب ما يطاوعنيش القلم ؟
و كل نُقطة حِبر نازله صَرخة غَضب آهة ألم
و ف قلبي نار قايده و ف عيني دَمعِة نَدم
علي كل واحد و واحده ف قلب وَطَنا أتظلم
مِحتار أداري شعوري ؟
و للا أثور ع اللي ظَلم ؟
فساد و سرقه و كدب رخيص
وهم تقيل قَد الهَرم
و ناس مطحونه و مش لاقيه
مربوطه كما ثور ف ساقيه
و الهَم فوق روسهم عَلم
و آه يا بلد فيكي ظالم و فيكي مظلوم
و اللي عايز يركب يدفع لك المَعلوم
و لاولادك عيشة العَدم
مكتوب علينا نعيش فيكي أذل من العبيد
مربوطين بطوق الخوف من قُريب و من بعيد
مقهورين مهمومين مسروقين فهل من مزيد؟
متساقين بالعصا زي الغَنم
و آه و ألف آه من اللي ظلم
و آه و ألف مليون آه ع اللي إتظلم
د.ياسر الشريف
🇪🇬
.jpg)
0 تعليقات