سعيد سعيد امام يكتب رصيد الرحمة ديلي جراف عربية

 

رصيد الرحمة

 الكاتب الصحفي وشاعر البسطاء سعيدسعيدامام

الرحمة رصيد يكبر في الميزان

ويعلى قدر صاحبه بين كل إنسان

لا يعرف لون ولا جاه ولا عنوان

ولا يفرق بين قريب أو جيران

الرحمة لمسة تمسح الأحزان

وترد الروح لقلب كان تعبان

وتفتح في عز الضيق باب أمان

وتحيي الأمل في قلب إنسان

في ناس قلوبها واسعة بالحنان

تشيل الهم عن كل تعبان

وتواسي الضعيف من غير امتنان

وتقول الخير من فضل الرحمن

وفي ناس قست عليها الأيام

فنسيت معنى الود والسلام

تحسب الشدة قوة وكمال

وهي في الحقيقة بداية الآلام

شوف السحابة لما تعدي السما

تمطر خير على كل الدنيا

ما سألتش مين يستحق العطا

ولا قالت ده أولى من ده

وشوف الشجر في عز الحرور

يفرش ضله لكل العبور

لا يرد محتاج ولا مكسور

وده درس في الخير المشهور

الرحمة كلمة وقت الانكسار

وحضن أمان وقت الإعسار

ودعوة صادقة في آخر الليل

تنور طريق المحتار

الرحمة في عين تشوف الوجع

وفي قلب يحس قبل الاذن ماتسمع

وفي إيد تمتد للي وقع

وتقومه قبل ما الدمع يطلع

كم طفل كبر بحضن حنون

وكم شيخ فرح بحسن الظنون

وكم مريض لقى كلمة حلوة

كانت عنده أغلى من الكون

الدنيا محتاجة قلب رحيم

أكتر من صاحب مال عظيم

فالمال يروح مع السنين

لكن الرحمة تبقى دايمامستقيم

ارحم كبير السن في الطريق

وارحم فقير ضاق عليه المضيق

وارحم يتيم كسرته الحياة

وخلي قلبك دايما رفيق

الرحمة مش ضعف ولا انكسار

دي قوة نفس وحسن اختيار

واللي يرحم خلق ربنا

يلاقي الرحمة في كل دار

خدها حكمة من عمر طويل

الخير عمره ما يكون قليل

ورصيد الرحمة أكبر دليل

على قلب أصيل ونفس نبيل

ازرع رحمة في كل مكان

في البيت وفي وسط الجيران

تلقى محبتها راجعة ليك

وتعيش كريم بين كل إنسان

ولما ييجي آخر الزمان

ويخلص مشوار كل إنسان

هتلقى رصيد الرحمة نور

ينور طريقك بالأمان 

بقلم الكاتب الصحفي وشاعر البسطاء 

سعيدسعيدامام