الوفاء بين البشر نادر بقلم د محمد محسن 🇪🇬

 

الوفاء بين البشر نادر

بقلم د محمد محسن  🇪🇬

يا ما ناس عشنا معاهم سنين، وضحكنا وسهرنا وشاركناهم اللقمة والهم، بس أول ما الدنيا تلف شوية، تلاقي الوشوش اتغيرت، والقلوب بردت...........

 ........... كلمة الوفا بقت عملة نادرة.......... 

زمان كان الراجل لما يقول كلمته تمشي على الرمل ما تخرمش الميه، وكان الصاحب سند، والجار أخ، واللي بينك وبينه عشرة ما يبيعك لو الدنيا كلها ضاقت.....   .

دلوقتي، بقت المصالح هي اللي بتحكم، والوفاء بقى مربوط بالمنافع، أول ما المصلحة تخلص، تلاقي الباب اتقفل، والناس اتبدلت......

الوفاء مش بس كلام، الوفاء موقف... لما تفتكر اللي وقف جنبك في ضعفك، وتردّ له الجميل لما تبقى في قوّتك، ده اسمه أصل.......

لكن اللي ينسى المعروف، ويرمي اللي ساعده، ده ما يعرفش معنى الوفا ولا العشرة.........

وبرغم ندرة الوفاء في الزمن ده، لسه في ناس طيبين، قلوبهم صافية، وضميرهم صاحي، ما يبيعوش عشرة ولا ينسوا خير، وهما دول اللي لسه مخليين للدنيا طعم.........

خلاصه الكلام:

الوفاء ما بيتعلمش، الوفاء طبع، واللي في قلبه أصل عمره ما يبدل ولا يبيع، حتى لو الزمن غدار...........